మెంతులు లేని వంటిల్లు లేదు….పచ్చళ్ళు, రసాలు, కూరల తయర్లలో కూడా వీటిని ఉపయోగిస్తుంటాము. ఐతే వీటితో కలిగే లాభాలగురించి మనలో చాల తక్కువ తెలుసు. అందుకే మెంతులు వాటి ఉపయోగాల గురించి తెలుసుకుందాము.
మెంతులలోని మాంసకృత్యులు జుట్టు రాలడాన్ని తగ్గించి, కుదుళ్లకు పోషణనిచ్చి, వెంట్రుకల యొక్క చివర్లు చిట్లకుండా చేస్తాయి.
మెంతులు నానబెట్టిన నీటితో జుట్టును కడుక్కోవడం వల్ల మెంతుల్లో వుండే పొటాషియం జుట్టును తెల్లగా అవకుకండా చేస్తుంది.
గుప్పెడు మెంతులను నానబెట్టి మరుసటిరోజు మెత్తని ముద్దగా చేసి, ఒక చెంచా నిమ్మరసం కలిపి జుట్టుకు పట్టిస్తే చుండ్రు నుంచి మంచి ఉపశమనం లభిస్తుంది.
పావు కప్పు కొబ్బరినూనె లేదా ఆలివ్ నూనె లో మెంతులు వేసి రోజంతా నానబెట్టాలి. ఈ నూనెను తలకి పట్టించి అరగంట తరువాత తల స్నానం చేస్తే జుట్టు పట్టులా మెరుస్తుంది.
